Fuente: Ligallo de Fablans de l'Aragonés

"Semos un grupo d'altoaragoneses que a bida nos a esparziu por diferents camins , asinas que os nuestros pietz son fendo una güebra que dibuixa una siñal que se esparze de punta a punta do ziel “

Semos de Laspuña/A Espuña,  o lugar d'ixos montañeses que por o rio  plegaban dica o mar y ye ixa rasmia aragonesa, a que una tarde de berano, chunto a unas bieras y una buena charrada, nos fazió pensar que no nomás yera preziso charrar, leyer, ascuitar mosica en aragonés pa no trafegar a nuestra identidat… sino que ebanos de treballar en aragonés y amostrar a o mundo que a luenga aragonesa contina alentando en totz nusatros.”

Asinas naixió Chambretas.es, una botiga online an podez trobar zamarretas con bida propia. Moda en aragonés con frases gronxiadoras como “Antis de charrar mira de tener a luenga coneutada con o zelebro”, frases feitas como “Yo no ronco,  soneo que soi una moto” o “No más tiens una bida, fes o que se te’n rote y desfruta”,  falordietas como a Capucheta Roya, frases d’identidat aragonesa como “ADN aragonés” o “Esfendamos a tierra, esfendamos a nuestra luenga”, o con mensaches d’amor pa diyas espezials como “M’amorto por os tuyos güesichons” o “Dios no podeba estar en totz os puestos a la begada, por ixo creyó a as mais”.

En Chambretas.es podez trobar atros produtos como asudaderas, chapas, tazas, soperos, bodys bebes, calzonziellos, apegallos… tot ixo impreso con a zaguera tecnolochía en impresión dichital. Antimás, as frases d'os suyos produtos pueden escribir-se en qualsiquiera d'as grafias y d'as bariants d'a luenga aragonesa. Nomás as de mimbiar-les un mensache y te preparan o produto personalizau.

Tamién acotrazian y produzen zamarretas en mayor cantidat pa grupos, fiestas do lugar, asoziazions, interpresas, bandas de mosica…, como por eixemplo as zamarretas d'as fiestas d'o Pilar en Torla d'iste anyo 2015, as zamarretas d'a interpresa "Descubre Huesca", u as zamarretas de l'Asociación de Nabateros d'o Sobrarbe.

Iste mes de nobiembre, an lanzau una promozión muito interesant pensando en as crompas abanzadas de Nadal. Nos proposan que “Regalemos en aragonés” y por una crompa superior a 15 euros, os gastos de porte estaran de franco.

Una siñal más de que a luenga aragonesa no ye amortada y que bi a chent pensando, creyando, charrando, y esfendendo l’emplego ofizial de l’aragonés en todas as suyas bariants.

Cómo contautar con Chambretas.es:
Botiga online: www.chambretas.es
email: infochambretas@gmail.com
facebook: www.facebook.com/chambretas.es
twitter: @chambretas