Fuente: Arainfo.org

Chambretas.es, as chambretas que s’an chuniu a la esfensa de l’emplego de l’aragonés

Fa uns días, leyiemos a estricalladora notizia que a politica lingüistica d’o Gubierno d’Aragón descrimina a os fablantes d’aragonés y catalán y que quiere deixar a istas luengas amagatas de puertas ta dintro.

“L’aragonés, en todas as suyas bariants, ye una luenga romanica, una luenga deribata d’o latín con presenzia en o Pirineo y en atros puestos d’Aragón y tamién en as milars de presonas de diferents lugars aragoneses que l’an aprendiu p’aturar a suya perda y esflecament”.

Isto ye o que piensa una colla de chent enzetadora d’a comarca d’o Sobrarbe, que bi a creyau Chambretas.es, una botiga online de produtos impresos con disenyos orichinals y dibertius en aragonés. “Queremos meter o nuestro granet d’arena pa conzenziar d’a necesidat de no trafegar a identidat aragonesa como cultura”, apuntan.

En Chambretas.es, podez trobar chambretas y atros productos con frases tan saputas como ““Si a bida te diz NO, tu di-le a cascala! “, chambretas con espresions famosas como “Soi u tuyo pai “ con falordietas en aragonés como a Capucheta Roya, con frases d’identidat aragonesa como “ADN aragonés” u “Esfendamos a tierra, esfendamos a nuestra luenga”, u con mensaches d’amor pa diyas espezials como “Nomás tiengo güellos pa tú”. Son, chambretas con bida propia…

Tamién trobamos en Chambretas.es, atros productos pa regalar como asudaderas, chapas, tazas, baberos, bolsas, calzonciellos, carcasas de mobil… tot ixo impreso con a zaguera tecnolochía en impresión dichital.

Una muestra más que a luenga aragonesa dentra de pleno en a comunicazión dichital y que i ai chent pensando, creyando, charrando, y esfendendo l’emplego ofizial de l’aragonés en todas as suyas bariants.

Presume d’a tuya tierra en aragonés con Chambretas.es